Festa da Coca de Monção

Os habitantes do concello de Monção celebran todos os anos, coincidindo coas festas do Corpus Christi, o lendario combate entre San Xurxo e a Coca, un ser mitolóxico con corpo de dragón. A loita comeza despois da procesión do Corpo de Cristo, e ten lugar na praza de Deuladeu, nome que evoca á heroína que conseguiu que as forzas castelás erguesen o cerco disposto sobre aquel lugar. Os asistentes forman un círculo en torno ao dragón e ao cabaleiro ata que San Xurxo vence á Coca cortándolle unha orella e introducíndolle unha lanza na gorxa. Esta tradición representa a supremacía do ben sobre o mal e encóntrase intimamente ligada ás loitas pola soberanía nacional.