Festa das Rosas de Vila Franca

A Festa das Rosas é unha manifestación relixiosa que transcorre na segunda fin de semana de maio na freguesía de Vila Franca, concello de Viana do Castelo e que envolve a toda a súa poboación nunha celebración do ciclo de inicio da primavera. Tamén é un rito de paso das raparigas á idade adulta, recorrendo, para iso, ao culto á Señora do Rosário. Nel transportan na cabeza pesados obxectos de arte floral comunmente denominados “cestos floridos”, elaborados con toda sorte de materias vexetais. As raíces desta tradición perdéronse no tempo, mais está documentada dende 1622. A entrega de flores á “Señora das Rosas” (Señora do Rosario) polas mordomas que completan dezanove anos ata o día da festa, supón unha implicación constante e anual a toda a comunidade da aldea que culmina nunha gran romaría.